Monday, March 22, 2010

മോക്ഷം 


വിരുന്നവസാനിച്ച പാതിരാ കഴിഞ്ഞ്‌
എചില്‍ക്കൂനക്കരികില്‍
വേലക്കാരി പെറ്റിട്ടുപോയ
കുഞ്ഞിനു മോക്ഷം നല്‍കാന്‍
ദൈവം തീരുമാനിച്ചു.

ഒറ്റക്കണ്ണനായ കിഴവന്‍ നായുടെ
രൂപമെടുത്ത്
കുഞ്ഞിനെ സ്വര്‍ഗത്തിലേക്ക് വലിച്ചിഴക്കാന്‍
തുടങ്ങുമ്പോള്‍,
കൂര്‍ത്തൊരു എല്ലിന്‍ കഷണം ഏറ്റു
ദൈവത്തിന്റെ മറ്റേ കണ്ണും പോയി !

ദൈവത്തിനു സ്വര്‍ഗത്തില്‍ നിന്നും
എചില്‍ക്കൂനയിലേക്ക്
മോക്ഷം കൊടുത്ത്,
സ്വന്തം കാല്‍വിരലും നുണഞ്ഞു
കുഞ്ഞ്‌...
എച്ചിലില്‍.

1 comment:

  1. dyvam thotupoyidathu namenthenkilum cheyyanam

    ReplyDelete